晴天靚Magic的日子持續了一星期, 每日都十分精彩, 希望今次唔係水尾。 同團長兩條友嚟左銅鑼灣避風塘, 其實我一早就想來這個地方, 不過一直唔知道用什麼方法可以去到壩上的位置, 在網上找了很久, 最終俾我找到原來可以搭船過來, 每位收十蚊, 對於唔識的我來講都叫做係抵玩!
講返個Magic, 不像早兩日如心41F的油畫雲彩, 今次嚟個放射性日落, 剛好在 IFC 和 ICC 中間, 日落的方向每個月份都不同, 呢次一路向西, 食正中間位, 仲唔係神奇, 頂級, 超卓, 黃興桂話齋, 有今生, 無來世呀! 令我最後悔的一件事情係今次我只帶左NEX 5, APSC相機對於處理暗位的成像, 老實講真係麻麻地, 諗住先前買左個中一光學減焦距接, 可以釋放我所有的full frame鏡頭, 所以用多啲, 但影日出日落呢種反差咁大的環境下, 真係有少許力不從心, 下次影日出日落時都係唔可以再懶用NEX影
No comments:
Post a Comment