三支香日出

再一次和團長挑戰三支香日山, 今次比上次好, 日出時分天空的顏色比較多, 也見到咸蛋黃升上來, 上三支香影日出雖然辛苦, 因為要清早起身再加(黑媽媽)三上三落才可去到拍攝位, 但勝在無咩人同你爭位, 因為無乜人會晨早上來

奧運日落 / Sunset @ Olympic

又係一條友早放1粒鐘走去奧運站影日落, 影左兩張全景圖就收工走人了。

寶馬山日落 / Sunset @ Braemar Hill

經過上一次的探路, 今次預早少少上山, 去到拍攝位置時竟然撞到一對外籍人士在山上野餐, 幾有情調, 好彩佢地唔係嚟影相, 如果唔係就比佢地食左頭啖湯。 過了一會, 三位年青人接住到來, 但拍攝位真的容納不到5個人, 他們唯有去到地標柱下左邊的大石上, 真的對不起了。

雖然今日的Magic不是太燦爛, 但以冬天來講能見度還可以接受, 有機會夏天想再嚟多次。

寶馬山 / Braemar Hill

今早相約團長上寶馬山探路, 諗住下次上嚟影日落時唔會有咩差錯, 講真, 上山頂攝位路程雖然很短但很容易迷路。 拍攝位置只得一條地標柱, 頂多只可放三支腳架, 有心影日落的朋友應該要早少少上來霸位。

落山時不走回頭路, 團長帶隊, 我自己都唔知行左條咩路, 只記得有一個位置可攝大球場, 幾特別下, 之後只係做鴨仔死跟。

九龍灣獅子山下 / Sunset @ Kowloon Bay

早上去完未圓湖, 放工後去了九龍灣彩德邨附近的一個防坡提, 背景係獅子山, 前景係屋村, 當日Magic雖然麻麻地, 但好彩我帶左新玩具移軸Mount, 將所有前景脫焦變做波波, 感覺又唔錯

中文大學未圓湖 / CUHK

香港要去到1月份先叫做有點秋意, 攞左半粒鐘OT, 早上到中大未圓湖影返輯秋意照, 第一次早上來, 感覺光線的角度唔錯, 而湖中的噴泉早上還未開工, 所以湖面很平靜, 因為所有同事同學都已經開了工和上堂, 所以氣氛更加安靜, 在沒有太多人的情況下, 有一種包場任影的感覺

旺角 / Mong Kok

今次影呢輯相的主要原因係要測試一下我在淘宝買的新玩具, 一個NEX 轉Nikon ais的移軸Mount, 測試出來的效果都好滿意, 為平凡的定焦鏡頭帶來了一點視覺上的衝擊, 使用時感覺真係似玩玩具多過影相。