昨天影完火燒天後, 今日決定機不離身, 放工後走去荃灣西鐵站搏一搏, 時間剛剛好, Magic的顏色好正, 加上有少許雲彩, 今次勤力有回報
Wednesday, August 28, 2013
Tuesday, August 27, 2013
青衣北公園日落 / Sunset Tsing Yi Northeast Park
難忘的一次日落, 還記得當日因為發燒請了病在家中休息, 中午後退左燒, 感覺身體好返啲, 到日落時份, 雖知樓下青衣北公園日落位青馬橋一定比啲船遮住左, 但心諗不如帶部NEX 5落去搏一搏, 點知今次真係博到, 勤力有回報, 今次個Maigc真係幾特別, 左右半天不同色, 右邊燒精彩, 左邊冰冷如水, 正好青衣北公園望荃灣方向視野十分廣闊, 最啱影全景圖
第一張全景圖時, 剛剛右邊開始燒起, 已經知道今次發達喇!
之後越燒越紅, 一發不可收拾
最後一張, 收工!
Location:
香港青衣担杆山路10號青衣東北公園
Saturday, August 10, 2013
萬宜水庫東壩 / High Island Reservoir
一心諗住天清的日子可以持續到星期六, 點知早上起身時見到有少許煙霞, 但已經約左團長和KEVIN, 上次都已經縮左一次沙, 臨時轉左地點去新娘潭, 所以今次硬着頭皮都要去。 出發地點選擇在中大打的去東壩, 大家都覺得比起在西貢出發更直接, 車程大約45分鐘左右, 但價錢唔太記得, 好似200蚊內, 三條友去的話, 抵玩!
本來諗住入到東壩後就行上破邊洲, 但因為之前無做到功課, 行鬼錯路走左去東壩最篤篤個位, 點知原來無路可入, 再加上當日天氣超級悶熱, 最終都係放棄無行去破邊洲, 又留返個藉口可以下次再覆卓
Location:
香港西貢
Thursday, August 8, 2013
銅鑼灣避風塘 / Causeway Bay Typhoon Shelter
晴天靚Magic的日子持續了一星期, 每日都十分精彩, 希望今次唔係水尾。 同團長兩條友嚟左銅鑼灣避風塘, 其實我一早就想來這個地方, 不過一直唔知道用什麼方法可以去到壩上的位置, 在網上找了很久, 最終俾我找到原來可以搭船過來, 每位收十蚊, 對於唔識的我來講都叫做係抵玩!
講返個Magic, 不像早兩日如心41F的油畫雲彩, 今次嚟個放射性日落, 剛好在 IFC 和 ICC 中間, 日落的方向每個月份都不同, 呢次一路向西, 食正中間位, 仲唔係神奇, 頂級, 超卓, 黃興桂話齋, 有今生, 無來世呀! 令我最後悔的一件事情係今次我只帶左NEX 5, APSC相機對於處理暗位的成像, 老實講真係麻麻地, 諗住先前買左個中一光學減焦距接, 可以釋放我所有的full frame鏡頭, 所以用多啲, 但影日出日落呢種反差咁大的環境下, 真係有少許力不從心, 下次影日出日落時都係唔可以再懶用NEX影
Labels:
Causeway Bay,
Cityscape,
NEX 5,
銅鑼灣
Location:
香港銅鑼灣
Tuesday, August 6, 2013
Monday, August 5, 2013
大帽山日落 / Tai Mo Shan
一行四人放工後乘的士上大帽山, 每人只需比幾十蚊已經可以上到山頂, 抵玩過上太平山, 現在覺得有三四人同行, 乘的士到拍攝地點比較方便。 這是我第一次到大帽山影日落, 之前去過三次都是影日出, 但都無功而還, 今次起碼叫做見到日落, 但美中不足有少許煙霞, 遠方的能見度比較低, 希望下次再有機會到來影過痛快
特如其來的橫向放射性蘇光, 一半的地方變得橙黃
初級星軌, 我覺得夏天用 NEX 5曝光兩分鐘已經超出相機本身的極限了
Location:
香港大帽山
Sunday, August 4, 2013
如心41樓日落 / Nina Tower Sunset
在炎炎夏日, 拍攝日落相片時, 流汗是很一般的事情, 但今次想介紹一個完全不用流汗, 又能拍攝日落美景的好地方, 這就是位高41樓的如心酒店, 這其實是一個轉電梯到高層的中轉樓層, 我也不知道是否對外開放, 但我在當日整個拍攝過程中都沒有被人驅趕, 我想只要不太張揚, 應該是可以的。再說說這兒, 面向西邊有一排玻璃窗, 可俯瞰青衣, 荃灣和汀九橋, 我也是第一次到來, 能夠居高臨下拍攝汀九橋, 再加上當日漂亮的blur hour, 感覺真的很捧
Location:
香港荃灣
Saturday, August 3, 2013
青衣西南 / Tsing Yi
從青衣西路出發, 一直步行至青衣的西南方, 這裡都是一些貨車場和油庫, 本想在沿路尋找視野比較開揚的防波堤, 但卻沒有發現較好的拍攝位置, 這只好一直走到青衣的最南方, 在這兒發現懸崖下有一所油庫, 而望過對岸還可清楚看到香港島的西面, 也算是今次旅程的一大收穫。
特如其來的蘇光
Location:
香港青衣
Subscribe to:
Posts (Atom)